रत्नागिरी : शहरातील मारुती आळी येथील श्री मारुती मंदिर संस्थेच्या वतीने ३१ मार्च ते ४ एप्रिल या कालावधीत श्री हनुमान जन्मोत्सवाचे आयोजन केले असून, यानिमित विविध धार्मिक कार्यक्रम होणार आहेत.
३१ मार्च रोजी सकाळी ९ वा. हनुमान याग होईल. १ एप्रिल रोजी श्रींचा वाढदिवसानिमित्त सकाळी पूजाअर्चा, लघुरुद्र, अभिषेक होईल. सायंकाळी ५ वा. ह.भ.प. लक्ष्मीप्रसाद कुलकर्णी (पटवारी) बीड, यांचे कीर्तन होईल. ७.३० वा. “भक्ती संध्या” हा ओमकार संसारे यांचा सुश्राव्य भक्ती गीतांचा कार्यक्रम होईल. त्यानंतर ९ वा. भोवत्या होतील.
२ एप्रिल रोजी श्री हनुमान जन्मोत्सवाचा मुख्य सोहळा पार पडेल. पहाटे ५ वा. ह.भ.प. लक्ष्मीप्रसाद कुलकर्णी (पटवारी) बीड, यांचे कीर्तन
श्रींच्या जन्मोत्सवाचे कीर्तन होईल. सकाळी ६ वा. ३९ मि. श्रींचा जन्मकाळ, सकाळी १० ते १२ वा. श्री स्वामी समर्थ प्रासादिक भजन मंडळाचे (केळये) बुवा उदय मेस्त्री यांचा भजनाचा कार्यक्रम होईल. दुपारी छप्पन्न भोग नैवेद्य दाखवला जाईल. सायंकाळी ५ वा. श्रींची भव्यदिव्य रथोत्सव मिरवणूक, ६ वा. श्री भैरव प्रा. भजन मंडळ (कै. शंकरराव मयेकर), मुरुगवाडा यांच्या वतीने बुवा अजय पिलणकर यांचा भजनाचा कार्यक्रम होईल. रात्री १० वा. मिरवणुकीचे मंदिरात आगमन, भोवत्या व आरती होईल.
३ एप्रिल रोजी दुपारी १२ ते ३ यावेळेत महाप्रसादाचे वाटप केले जाईल. रात्री ८ वा. भोवत्या होतील. १०वा. ह.भ.प. लक्ष्मीप्रसाद कुलकर्णी यांचे लळीताचे कीर्तन होईल.
४ एप्रिल रोजी सकाळी उत्सव सांगता लघुरुद्राने होईल.
श्री मारुती मंदिर संस्थेतर्फे आयोजित या कार्यक्रमांचा भाविकांनी उपस्थित राहून लाभ घ्यावा, असे आवाहन संस्थेच्या अध्यक्ष यांनी केले आहे.
श्री मारुती मंदिर संस्थेतर्फे हनुमान जन्मोत्सवानिमित्त विविध कार्यक्रमांचे आयोजन
