रत्नागिरी : मनसे अध्यक्ष राज ठाकरेंच्या तेजस्वी विचारांनी प्रेरित होऊन बुधवारी रत्नागिरी तालुक्यातील गोळप जि प गटातील कोळंबे मधील अनेक युवकांनी मनसेच्या रत्नगड या रत्नागिरी तालुका संपर्क कार्यालयात पक्षप्रवेश केला. सर्व प्रवेश करणाऱ्या कार्यकर्त्यांचे तालुका अध्यक्ष रुपेश जाधव यांनी पक्षात स्वागत केले. येणाऱ्या स्थानिक स्वराज्य संस्थांच्या निवडणुका डोळ्यासमोर ठेवून पक्षबांधणी मनसेने जोरदार हालचाली सुरू केल्या असून येणाऱ्या काळात असे अनेक पक्षप्रवेश तसेच संघटनात्मक बांधणीवर भर देण्यात येणार आहे. या पक्षप्रवेश प्रसंगी मनसे तालुका अध्यक्ष रुपेश जाधव,तालुका सचिव अभिलाष पिलणकर , विभाग अध्यक्ष संजय आग्रे , उपविभाग अध्यक्ष नितीन रायकर, सोमनाथ पिलणकर आदी मनसे पदाधिकारी उपस्थित होते.
